TAKAS NA SOUTH KOREAN, NAARESTO NA

 

Photo Courtesy | PNA

Nasakote na ng mga awtoridad ang isang South Korean na tumakas sa matapos dumalo sa kaniyang pagdinig sa korte noong Marso 4.

Ayon sa Bureau of Immigration, naaresto ang suspek na si Na Ikyeon, 28-anyos, sa Angeles City, Pampanga limang araw matapos makatakas.

Dinakip din ang kasama nitong si Kang Chang Byeong na pinaniniwalaang responsable sa pagplano ng pagtakas ng suspek.

Si Na ay wanted sa kaniyang bansa dahil sa panloloko ng mga investment.

Sinabi pa ng ahensya na naaresto si Na noong Mayo 31, 2023 at ikinustodiya muna habang hinihintay ang nakatakdang pag-deport.

Ngunit, ipinagpaliban muna ang nakatakdang deportation nito habang nakabinbin pa ang pagresolba sa kaso nitong estafa na inihain ng isang Filipino complainant sa Quezon City Prosecutor’s Office.