KAPABAYAAN NG INA, HUMANTONG SA PAGKAKAPUTOL NG TATLONG MGA DALIRI SA PAA NG ISANG SANGGOL

 

Tatlong mga daliri sa paa ng isang sanggol ang kinailangang putulin matapos na magtamo ng grabeng sunog sa mga binti nito.

Ayon sa ulat, aksidenteng nakatulog ang nanay ng sanggol na isang Taiwanese at naiwan nitong naka-on ang hairdryer kung saan nakadirekta pa ito sa binti ng bata.

Huli na napansin ng ina mayroon ng mga paltos ang binti ng sanggol dahil sa matinding init.

Agad namang tumawag sa mga awtoridad ang nanay ng sanggol at humingi tulong na medikal.

Sinabi ng isang medical staff na 15% ng balat ng sanggol ay nasunog dahilan ng pagkaka-permanente ng pinsala sa tissue. Nadiskubre din nila na ang porsyon nito ay hindi na maaaring ayusin pa kung kaya’t kinailangang putulin ang tatlong mga daliri sa kaliwang paa ng sanggol.

Dahil sa naging kapabayaan ng ina, sinentensyahan ito ng korte ng limang buwang pananatili sa kulungan at pinagmulta ng nasa NT$150,000 o mahigit P260,000.