HAJJI ALEJANDRO, MAY STAGE 4 COLON CANCER - AYON KAY ALYNNA VELASQUEZ

 

Kinumpirma ni Alynna Velasquez, longtime girlfriend ni Hajji Alejandro, na kasalukuyang nakikipaglaban ang OPM icon sa sakit na colon cancer na nasa stage 4.

Ibinunyag pa ni Velasquez na sumailalim kamakailan ang singer sa surgery at nagdurusa dahil sa impeksyon ngunit ngayon ay nakauwi na sa kanilang tahanan.

Ayon kay Velasquez, nasa Vigan sila ni Hajji nang makaramdam ng pagiging bloated ang OPM singer at nahirapang huminga o kumain. Sumailalim ito sa CT scan at dito nadiskubre na mayroon pala itong cancer na nasa stage 4 na.

Agad na sumailalim si Hajji sa surgery at mga operasyon ngunit makalipas ang ilang araw ay nagkaroon ito ng seizures kung kaya’t isinugod agad ito sa ICU dahil sa impeksyon.

Nilinaw naman ni Velasquez ang pagkalat sa kondisyon ni Hajji sa social media kung saan siya ang sinisisi ng pamilya,

“The family wanted it to be private and I respect it. Pero nung naging critical si Hajji, I had to tell someone, I had to tell his best friend,” anito.

Subalit, sa kabila ng paninisi na kaniya ng pamilya ni Hajji ay nagpapasalamat pa rin ito dahil sa mga taong nagpaabot ng kanilang panalangin para sa OPM singer na kaniyang pinaniniwalaang nakatulong sa paggaling nito.