GOLDMEDALIST, PINABULAANAN ANG MGA ALEGASYON SA PAGKAMATAY NG CHILD ACTRESS NA SI KIM SAERON

 

Mariing tinanggi ng GoldMedalist, agency ni South Korean actor Kim Soo-hyun, na may relasyon ang aktor sa namatay na aktres na si Kim Sae-ron at may planong gumawa ng matibay na posibleng legal na aksyon kasunod ng alegasyon na sila’y magkarelasyon ng anim na taon.

Pumanaw si Saeron sa edad na 24 noong Pebrero 16 na sinasabing siya ay nagpakamatay, ayon sa mga awtoridad.

Makalipas ang ilang linggo, isang nagpakilalang tiyahin ng aktres ang lumantad at isiniwalat na ang dating child actress ay may relasyon sa South Korean actor ng anim na taon.

Sa isang panayam, ibinunyag umano ng nagpakilalang tiyahin ni Saeron na nagsimula ang relasyon ng aktres kay Soo-hyun noong ito’y 15-anyos at 27-anyos naman ang aktor.

Nabanggit pa ng umano’y tiyahin na tila pinabayaan ng GoldMedalist agency ang kinasangkutang kaso ni Saeron noong 2022.

Pinabulaanan naman ng GoldMedalist ang lahat ng mga paratang at sinabing walang basehan ang mga alegasyon.

Sa kabila nito, inihatid sa huling hantungan si Saeron noong Pebrero 19 na dinaluhan ng mga kaniyang pamilya at malalapit na mga kaibigan.

Nakilala si Saeron bilang isang award-winning child actress bago sumabak sa teen roles.

Taong 2022, bumagsak ang kaniyang karera matapos masangkot sa DUI incident kung saan bumangga ito sa ilang istruktura kung kaya’t napagdesisyunan nitong hindi mag-renew ng contract sa GoldMedalist.