BRIDE, GINAYUMA RAW ANG GROOM; GROOM, NAHIMASMASAN MATAPOS SABUYAN NG ASIN?

 

Hindi na matutuloy ang inaasam na kasal matapos na magising sa katotohanan ang groom mula sa umano’y “gayuma” na ginawa sa kaniya ng bride.

Nag-viral ang isang post ng wedding scam nang ilantad ng event organizers ang dapat na wedding ceremony matapos na hindi nagpakita sa event ang mga bisita, judge at maging ang couple.

“First time in my life ay na scam man me sa bride”, dismayadong pahayag ng user.

Sa video, makikitang ang bonggang pagkakaayos ng venue para sana sa reception ng couple ngunit hanggang sa matapos ang inilaang oras ay wala pa ding katao-tao.

Umabot naman sa halos P500,000 ang nagastos sa umano’y kasal na hindi pa nababayaran ng bride.

Sa ulat, tinuloy ng mga organizers ang sana’y wedding ceremony dahil pinangakuan silang babayaran ng bride at sinabi pa nitong nauugnay siya sa mga pulitiko sa Davao na inaasahang dadalo event ngunit huli na nila napagtanto na sila’y naloko.

Tila wala namang kaalam-alam ang groom na siya’y ikakasal na dahil siya ay nagayuma.

Ikinuwento ng coordinator ang nangyari kung saan noong umaga sa mismong araw ng kasal ay tila wala sa huwisyo ang groom hanggang sa tila nahimasmasan umano nito mula sa gayuma nang budburan siya ng asin ng asawa ng kaibigan.

Maraming netizens naman ang naalarma at nagbahagi ng opinyon sa insidente kung saan hindi sila naniniwala na ito’y panggagayuma lamang kundi isang uri ng panloloko.