DELIVERY RIDER, PINAGHAHAGIS SA BINTANA ANG PARCEL NG CUSTOMER

 

Viral ang isang delivery rider matapos nitong inihagis ang parcel ng isang customer sa bintana ng bahay nito.

Maraming netizens naman ang naaliw dahil tila si Rapunzel ang customer na idinadaan sa bintana ang parcel nito.

Pero sa likod ng viral video ay sumusunod lamang ang rider na si John Chris Taladtad sa kakaibang delivery arrangement nila ng kaniyang customer.

Sa halip kasi na ibigay ang parcel sa pintuan, nag-request ang customer na ihagis na lang ito sa bintana.

Kung saan, didiretso ang parcel sa mismong higaan ng customer na talaga namang hassle-free mula sa nakasanayang drop-off.

Nakaugalian na ng rider at ng customer nito ang ganitong pamamaraan kung kaya’t maraming netizens ang bumilib.