7.7-MAGNITUDE NA LINDOL SA MYANMAR, NAKAPAGTALA NG MAHIGIT 1,600 NA PATAY

Umakyat sa 1,644 ang naitalang patay sa nangyaring 7.7-magnitude na lindol sa Myanmar nitong Biyernes.

Naging pahirapan ang pagkumpirma ng mga casualty dahil sa malawakang sakop na apektado ng lindol.

Maliban sa nai-record na death toll, umakyat din ang bilang ng mga sugatan sa lindol sa 3,408.

Kaugnay nito, naapektuhan din ng lindol ang katabing bansa nito na Thailand kung saan labis na tinamaan ang pinakasentro na mayroong nasa 17-milyong katao at nakapagtala ng sampung patay.

Mula sa naturang bilang, siyam sa mga ito ay naroon sa bumagsak na mataas na gusaling naka-under construction malapit sa Chatuchak market ng Bangkok.

Sa ngayon ay wala pang impormasyon kung mayroong napabilang na Pilipino sa casualty.