COCKPIT TELLER SA BATANGAS NA GINAHASA NG ISANG PULIS, NAMATAY NA

 

Namatay na ang isang cockpit teller sa Batangas matapos ang halos dalawang buwang pagka-comatose sa Intensive Care Unit (ICU).

Kinumpirma ito ni Brig.Gen. Paul Kenneth Lucas, Calabarzon police director, kung saan si Emielle Hernandez na isang cockpit teller ng Mr. Nice Guy Cockpit Arena sa Batangas ay biktima ng panggagahasa ng umano’y police vlogger.

Nakilala ang police vlogger na si Staff Master Sergeant Timonthy Joseph Teejay Virtucio at tinaguriang “Sayang ang Tattoo”. Siya ay nasa kustodiya ng Calabarzon police upang isagawa ang kasong administratibo.

Matandaan na nag-report sa pulisya ang biktima kasama ang asawa at abogado upang magsampa ng reklamong panggagahasa laban kay Virtucio.

Ayon sa pahayag ng mister ng biktima dinala niya ang kanyang misis sa iba’t ibang ospital sa Lemery mula noong Disyembre 26 dahil sa hindi magandang pakiramdam nito.

Gayunpaman, nang makausap niya ang isang psychiatrist sa Mary Mediarix Hospital sa Lipa City, ibinunyag niya na umano nirape siya ng isang pulis.   Sinabi niya na pinainom siya ng sex drugs bago siya ginahasa sa isang palayan ng suspek sa Bgy. Banay-Banay, Lipa City.