CEBUANONG BOKSINGERO, KINILALA BILANG "BOXER OF THE MONTH" NG GAB

 

Umani ng pagkilala ang World Boxing Organization (WBO) Oriental super featherweight champion na si Rodex “The Tank” Piala bilang “Boxer of the Month” nitong Pebrero ng Games and Amusements Board (GAB).

Iginawad kay Piala ang pagkilala kasunod ng pagpapatumba nito sa Chinese fighter na si Yeerjialahasi Laayibieke na ginanap sa NUSTAR Resort and Casino sa Cebu.

Nakuha ni Piala ang titulong WBO Oriental via unanimous decision sa isa sa mga triple-header WBO title fights na ipino-promote ni Winley Dela Fuente ng OX KBDF Gaming.

Samantala, ang GAB ay isang regulatory body ng gobyerno para sa professional sports at pagkilala sa mga mahuhusay na Pilipinong boksingero kada buwan.