4-ANYOS NA ANAK, PATAY SA SAKAL NG INA

 

Dead on arrival sa ospital ang 4-na taong gulang na batang babae matapos itong patayin ng sariling ina sa Cagayan de Oro City.

Sa ulat, itinanggi pa nung ina ng bata na pinatay niya ang anak kung saan sinabi nito sa doktor na nadulas lamang sa banyo ang bata. Ngunit, agad namang nagduda ang doktor lalo na’t walang nakitang sugat sa biktima kung ito man ay nadulas.

Kinalaunan ay inamin ng 25-anyos na ina ang krimeng ginawa sa anak at sinabing sinakal niya ito dahilan ng pagkamatay ng bata.

Dagdag pa rito, napagbalingan umano ng suspek ang bata sa galit nitong ilang araw nang hindi nakakausap ang asawa na nasa Cebu City.

May posibilidad din na napahamak sa kamay ng ina ang isa pa nitog anak na isang taong gulang kung hindi agad nakita, ayon sa tiyahin ng biktima.

Dahil dito, kasong parricide at paglabag sa Special Protection of Children Against Abuse, Exploitation and Discrimination (RA 7610) ang kakaharapin ng suspek bunsod ng nangyari.