RUSSIAN TOURIST, PATAY MATAPOS NA SUMABIT SA FOOTBOARD NG TREN PARA MAG-SELFIE

 

Patay ang isang turistang Russian matapos nitong mabangga sa isang bato at mahulog sa tren.

Ayon sa ulat ng Sri Lanka, sakay ng Podi Menike rail line si Olga Perminova nang sinubukan nitong mag-selfie sa footboard ng tren.

Saklaw ng naturang tren ang 300km-long scenic na ruta sa pagitan ng Colombo Fort at Badulla.

Sa gitna ng pag-awra ni Perminova ay biglang tumama ito sa bato at nahulog sa tren.

Nilapatan pa ng paunang-lunas ang Russian tourist bago iniulat ang pagkamatay nito sa ospital dahil sa natamong sugat sa ulo.

Bago pa man ang insidente, ilang mga larawan ni Perminova ang ipinakita kung saan nakasuot ito ng pink dress at nakasabit sa footboard ng tren.

Napag-alaman na parte ng isang Russia tour group sa Sri Lanka si Perminova.