NOT YET “FIT TO WORK” – KRIS AQUINO

Nilinaw ni Kris Aquino na hindi pa siya maaaring bumalik sa trabaho dahil sa timbang nitong 37 kilos o 82 pounds na nangangahulugang siya ay underweight.

Sa inilabas nitong update tungkol sa kaniyang kalusugan, sinabi niyang mayroon siyang kinakaharap na panibagong health issue na makakaapekto sa pagbabalik nito sa trabaho,

“I haven’t posted anything because I didn’t want all those praying for me to feel sad and lose the faith. May I clarify? I’m not yet ‘fit to work’ because I’m very underweight [at] 37 kilos/82 pounds,” saad ng TV host.

Makikita din sa post ni Kris ang larawan nitong nakahiga sa kama at nakapalibot sa kaniya ang anak na si Bimby at ang ilang mga bisita na sina Kim Chiu at Miles Ocampo.

Nitong nakaraan, ibinunyag ni Kris na maliban sa pinahayag nitong anim na autoimmune diseases ay mayroon pang nadagdag na health issues.

Nakakaranas ang TV host ng mga sintomas ng Polymyositis at mixed connective tissue disease.

Ayon sa Johns Hopkins Medicine, ang Polymyositis ay isang disease na nagiging dahilan ng pagkakairita at pamamaga ng mga muscles kung kaya’t nahihirapan ang isang indibidwal na mayroon nito na makagalaw.

Sa kabila nito, sinabi pa ni Kris sa kaniyang post na wala siyang karelasyon sa ngayon.

Matatandaang bumalik ng Pilipinas si Kris nitong nakaraang taon matapos ang halos dalawang taong pagpapagamot sa United States.