RARE SPECIES NA PANAY CLOUDRUNNER, AKSIDENTENG NAPATAY SA ANTIQUE

 

Pinatay ng isang residente sa Tibiao, Antique ang isang lalaking Panay cloudrunner, isang pambihira at endangered rodent species sa Panay Island.

Ayon kay Loyd Christian Badilles, inakala umano ng residente na ang naturang hayop ay isang malaking daga na karaniwang nasa loob ng bahay kung kaya’t pinatay niya ito nang matyempuhan na ito’y nagtatago sa isang puno ng niyog.

Ang Panay cloudrunner na may pagkahawig sa isang malaking squirrel ay ang ikalawang pinakamalaking species ng cloud rat at ikinukunsiderang pinaka-endangered rodent sa isla.