GMAIL USERS, INISYUHAN NG 'RED ALERT' DAHIL SA SCAM

 

Inisyuhan ng ‘red alert’ ang lahat ng 1.8-bilyong users ng Gmail ukol sa scam na nagbibigay-daan sa mga hacker na mapasok ang mga account.

Gumagamit ang mga scammer ng AI upang gumawa ng ‘deepfake’ na robocalls at malicious emails na may kakayahang ma-bypass ang security filters.

Ang pag-atake ay nagsisimula sa pagkakatanggap ng tawag ng mga user upang ipaalam na mayroong suspicious activity na nangyayari sa kanilang account at tsaka sinasabihan na may matatanggap silang email na nakapaloob ang mga hakbang upang masolusyunan ang isyu.

Kasama sa emal ang isng pekeng website na may pagkakapareho sa Google na mag-uutos sa mga user na ilagay ang kanilang login credentials.

Ayon sa mga eksperto, hindi lang Gmail account ang makokompromiso dahil maging ang ibang serbisyo na konektado sa platform ay bukas din sa mga hackers.

Dahil dito, nagbabala ang mga cybersecurity expert na huwag basta-bastang mag-click ng mga links o mag-download ng files mula sa hindi inaasahang emails o messages. Pati na ang iwasan din ang paglalagay ng personal na impormasyon sa website maliban na lang kung ito’y 100% na lehitimo.