DATING EVOLUTION: MULA SA PENPALS, SPEED DATING HANGGANG SA PITCHING!

 

Sa pagbabago ng mga bagay-bagay sa ating palibot ay unti-unti na ding nagbabago o tila nag-upgrade ang estilo ng dating sa paglipas ng panahon.

Natatandaan niyo pa ba ang “Pen pals”?

Noon, ito ang karaniwang pamamaraan sa pagpapahayag ng iyong kagustuhan sa isang tao. Hindi pa kasi uso noon ang pagiging lantad ng iyong nararamdaman sa isang tao.

Tila maihahambing ang “dating” noon sa mga napapanood sa mga telenovelas at umaasa pa sa tadhana.

Nauso din ang tinatawag na “pen pal” kung saan idinadaan ang panliligaw sa pagsusulat ng mga matatamis na salita.

Ngunit, sa paglipas ng panahon ay unti-unti na ding nagbabago ang pamamaraan ng pagpapakita ng pagkakagusto sa isang tao na mas lalo pang pinabilis at pinadala.

Isa na rito ang tinatawag na “Pitch Your Single Friend”, kung saan parang inaanunsyo ng magkakaibigan ang kanilang kaibigan na single sa harap ng iba pang mga single.

May ilang nag-e-effort sa naturang uri ng matchmaking dahil ginagawan pa ng presentation ang mga taglay na katangian ng kaibigang single.

Ang nasabing uri ng pamamaraan ng matchmaking ay karaniwang ginagamit na isang marketing strategy ngunit sa halip na makabingwit ng investor ay potential dates ang ina-attract nito.

Matapos ang pitches, dito na nagsisimula ang pakikihalubilo at mingling hanggang sa makabuo ng makahulugang koneksyon.

Maliban dito, naalala niyo pa ba ang “speed dating”?

Ito ang mabilisang pamamaraan sa mga single na makita ang kanilang “the one”. Dito, ang mga kalahok ay umiikot sa silid, nakakakuha ng ilang minuto upang makipag-chat sa bawat tao bago lumipat sa susunod na potensyal na laban.

Sa “speed dating”, personal mong ibinubunyag ang lahat ng katangian mo sa isang estranghero hanggang sa baka kayo’y mag-click.

Bagama’t marami nang pagbabago sa uri o pamamaraan ng pakikipag-date, mapa-letters man, pitches, o chats, ang paghahanap ng pag-ibig ay palaging isang pakikipagsapalaran.

Kaya ngayong Love Month, ano kayang pakulo ang iyong gagawin?