ANAK NG TRICYCLE DRIVER, NATANGGAP SA 30 PRESTIHIYOSONG PAARALAN SA UK AT US

 

Napakagandang mga oportunidad ang naghihintay sa isang anak ng tricycle driver dahil sa 30 mga paaralan sa United Kingdom at United States ang pagpipilian nito matapos siyang matanggap.

Si Julian Martir, ang pinakabata sa apat na magkakapatid na nabuhay sa isang payak na pamumuhay kung saan nagtatrabaho bilang drayber ng traysikel ang kaniyang ama habang nagtitinda naman ang kaniyang ina.

Sa 30 paaralan na tumanggap kay Martir ay kabuuang $1.9-milyon o humigit-kumulang P106-milyon na scholarship ang matatanggap nito mula sa mga eskwelahan.

Ilan sa mga paaralang tumanggap kay Martir ang Ohio Wesleyan University, Clarkson University, Hofstra University, Marquette University, Alfred University, Xavier University, Duquesne University, DePaul University, Regis University, Simmons University, Woodbury University, The University of Texas at Arlington, New Jersey Institute of Technology, Webster University, Ball State University, University of Massachusetts Dartmouth, University of Connecticut, The George Washington University, Fordham University, Kent State University, Michigan Technological University, The University of Arizona, The University of New Hampshire, Drexel University, Johnson and Wales University, University of Massachusetts Boston, Stony Brook University, the University of Colorado Boulder, Clemson University, at Richmond, The American International University in London.

Sa kabila ng mga hamon na kaniyang pinagdaanan upang makapasa ng mga requirements sa mga paaralan abroad ay hindi naging hadlang ang hirap ng buhay upang ipagpatuloy ang kagustuhan nitong makapag-aral abroad.