18-ANYOS NA NANAY, ITINAPON SA BINTANA ANG BAGONG PANGANAK NA SANGGOL

 

Posibleng isang kaso ng “pregnancy denial” ang nangyari sa walang kamuwang na sanggol na itinapon sa bintana ng isang hotel sa Paris, France.

Ayon sa prosecutor’s office ng Paris, may umbilical cord pang nakakabit sa sanggol nang ito’y itapon sa bintana ng ikalawang palapag ng isang hotel sa naturang lugar.

Binigyan pa ng emergency care ang sanggol ngunit bigo din itong makaligtas.

Napag-alaman na isang 18-anyos na American student ang nanay ng sanggol at nanganak sa isang kwarto sa ikalawang palapag ng hotel tsaka ito itinapon sa bintana.

Pinaniniwalaan ding parte ng isang grupo ng mga young adult na bumabyahe sa Europe ang nanay.

Dinala naman sa ospital ang nanay ng sanggol upang isailalim sa gamutan kasunod ng panganganak nito.

Samantala, ikinustodiya na ng mga pulis ang nanay habang nagpapatuloy pa ang imbestigasyon.