14-ANYOS CHINESE STUDENT NA DINUKOT, NATAGPUANG INABANDONA SA PARAÑAQUE CITY

 

Ligtas na ang batang 14-anyos na Chinese matapos itong dukutin at inabandona sa gilid ng kalsada sa Parañaque City nitong Martes.

Ayon sa awtoridad, naiulat na nawawala ang bata nitong Pebrero 20 matapos itong hindi nakauwi mula sa isang school activity.

Agad namang naglunsad ng hot pursuit operation ang mga awtoridad mula sa pinagsamang-pwersa ng Philippine National Police Anti-Kidnapping Group (PNP-AKG), Armed Forces of the Philippines (AFP), at ng National Capital Region Police Office (NCRPO).

Limang araw matapos ang pag-kidnapped sa bata, natagpuan ito na inabandona sa kahabaan ng Macapagal Avenue, Parañaque City.

Naibalik na sa tatay nito ang bata at tsaka dinala sa ospital para isailalim sa medical examination.

Sa kabila nito, sinabi ng PNP na walang binayad na ransom sa pagkakaligtas sa bata.

Sa ngayon ay patuloy pa ang imbestigasyon ng awtoridad sa nasabing kaso at tinutugis na ang mga taong nasa likod ng kidnapping.