NPA, RESPONSABLE SA PAGKAMATAY NG MAGSASAKA SA NEGROS OCCIDENTAL

 

Inamin ng Roselyn Jean Pelle Command-New People’s Army (NPA) na sila ang responsable sa pagkamatay ng isang magsasaka sa Barangay Bagonbon, San Carlos City, Negros Occidental nitong Martes.

Ayon kay Ka Cecil Estrella, spokesperson ng naturang grupo, ang kanilang ginawa ay isang “punitive measure” laban sa 51-anyos na biktima na inaakusahan bilang isang serial rapist.

Sinabi pa ng grupo na ang naturang biktima ay ringleader ng Revolutionary Proletarian Army (RPA) at isang asset ng military intelligence.

Ipinahayag naman ni Police Major Ryan Villasario, deputy chief of the San Carlos City Police Station, na ang 51-anyos na biktima ay nag-aalaga ng kaniyang baka nang bigla siyang pagbabarilin ng mga hindi pa nakikilalang kalalakihan.

Nagtamo ng ilang tama ng baril sa katawan ang biktima sanhi ng pagkamatay nito.

Sa kabila ng inilabas na pahayag ng NPA, binigyang-diin ni Villasario na tuloy pa rin ang imbestigasyon sa kaso batay sa nakuhang ebidensya at salaysay ng mga saksi.

“It’s their claim and propaganda,” saad ni Villasario.