KILLER KISS: BINATA, PATAY SA HALIK NG KANIYANG NOBYA

Ka-K5, alam niyo ba na pwedeng ikamatay ng isang tao ang ‘chikinini’?

Isang binata sa Mexico ang biglang na-stroke at kinalauna’y namatay nang dahil sa paghalik sa kaniya ng nobya sa leeg.

Ayon sa ulat, naghahapunan sila ng kaniyang nobya kasama ang pamilya nito sa Mexico City. Dahil sa panggigigil ng nobya sa 17-anyos na binata ay pinaghahalikan niya ito sa leeg na nag-iwan ng marka na tinatawag na “chikinini”.

Ilang sandali pa, bigla nalang nangisay ang lalaki hanggang sa ito’y na-stroke.

Hinala ng mga doktor na ang matinding pagsipsip sa leeg na nag-iwan ng ‘chikinini’ ang naging dahilan ng pamumuo ng dugo na dumaloy patungo sa utak ng binata na nagresulta sa pagka-stroke nito.

Dahil dito, isinisi ng mga magulang ng binata ang nangyari sa nobya nitong bigla nalang nawala.