"HELLO, LOVE, AGAIN," SA NETFLIX NA!

Matutunghayan na sa online streaming platform na Netflix ang "highest-grossing Filipino film of all time" na "Hello, Love, Again," kung saan bida rito sina Alden Richards at Kathryn Bernardo.

Ang premiere ng naturang pelikula sa Netflix ay sa darating na Pebrero 13, 2025.

Ito ang sequel sa pelikulang "Hello, Love, Goodbye" nina Kathryn at Alden noong 2019.

Sa naturang sequel, magkikitang muli ang mga bidang karakter na sina Joy at Ethan sa Canada matapos madiskubre ang pagbabago sa kanilang mga oportunidad.

Matatandaang pumalo sa mahigit P1 bilyon ang gross sales ng naturang pelikula kung kaya't tinagurian itong "highest-grossing Filipino film of all time."