Arestado ang isang Vietnamese national sa Mandaluyong
City matapos ang umano’y panggagamot na walang lisensya.
Ayon sa national Bureau of Investigation, kinilala ang
doktor na si Trinh Thi Kieu Nguyen o mas kilala bilang si “Dr. Rosa”.
Nahuli si Dr. Rosa ng mga NBI agents kasunod ng isang tip
mula sa isang confidential informant.
Si Nguyen ay nag-o-operate ng umano’y medical procedures
sa JK Beauty Clinic sa Mandaluyong.
Lumalabas sa imbestigasyon na nag-aalok si Nguyen ng mga
procedures tulad ng eyelid surgery, vaginal tightening, Botox injections at iba
pang cosmetic treatments ng libre.
Narekober naman ng mga awtoridad sa doktor ang marked
money at iba’t ibang medical paraphernalia sa gitna ng operasyon.
Noong Enero 9, sumailalim si Nguyen sa inquest proceedings
sa Mandaluyong prosecutor’s office dahil sa paglabag sa Section 10 in relation
to Section 28 ng Republic Act 2382 o ang Medical Act of 1959.
.png)
.png)
0 Comments