ASEAN SCHOLARSHIP SA SINGAPORE, BINUKSAN PARA SA MGA PINOY STUDENT

 

Binuksan na ng gobyerno sa Singapore ang mga aplikasyon para sa mga Pilipinong estudyante – Grade 9 pataas – na gustong makakuha ng ASEAN (Association of Asian Nations) scholarships.

Ayon sa Singapore Ministry of Education, magiging available ang naturang scholarships sa loob ng apat na taon.

Ang mga makakapasa ay sasailalim sa programang pang-edukasyon ng Singapore mula Secondary 3 hanggang Pre-University 2, paakyat sa Singapore-Cambridge GCE A-Level certificate o katulad na kuwalipikasyon.

Maire-renew ang scholarship kada taon batay sa magiging performance ng scholar.

Bagama’t hindi ipinahayag ang maximum number na bibigyan ng nasabing scholarship, may itinakda namang petsa ng kapanganakan bilang requirements ng Singapore para sa mga Pilipinong estudyante na nais mag-avail ng ASEAN scholarships.

Anila, ito ay para sa mga Pilipinong ipinanganak sa pagitan ng January 2, 2009 hanggang January 1, 2012.

Narito naman ang kinakailangan para maging kwalipikado sa scholarship.

• Born between January 2, 2009 to January 1, 2012
• Currently in Grade 9 or above
• Proficient in English
• Have done consistently well in school examinations
• Have a good record of participation in co-curricular activities.

 

Sasagutin naman ng scholarship ang mga sumusunod:

• Annual allowance with hostel accommodation
• Settling-in allowance
• Return economy airfare
• School fees
• Examination fees for GCE O-Level and A-Level (once only, as applicable)
• Subsidized medical benefits and insurance cover for accidents.

Magtatagal ang aplikasyon ng hanggang Pebrero 21, 2025.

Para sa mga interesadong aplikante, bisitahin ang MOE website para sa mga karagdagang impormasyon: ASEAN Scholarships for The Philippines-MOE.