AMA, PATAY MATAPOS SILABAN NG MGA ANAK SA PAKISTAN; MGA ANAK, TINANGKANG SAMANTALAHIN

 

Patay ang isang ama sa Pakistan matapos siyang pagtulungan na silaban ng dalawa nitong dalagitang anak mula sa magkaibang ina.

Ayon sa pulisya, nangyari ang insidente noong Enero 1 sa lungsod ng Punjabi sa Gujranwala.

Naisugod pa sa ospital ang ama ngunit binawian din ito ng buhay.

Sinasabing paghihiganti ang naging motibo sa krimen kung saan nagdesisyun umano ang magkapatid na magplano ng “permanent solution” sa pananamantala sa kanila ng ama.

Kumuha ng gasolina ang magkapatid mula sa motorsiklo at ibinuhos sa amang natutulog tsaka sinilaban.

Napag-alaman na parehong menor de edad ang magkapatid at ikinustodiya ng pulisya.

Ayon sa magkapatid, halos isang taon na umanong pinagsasamantalahan ng ama ang nakatatanda sa kanila, habang dalawang beses namang pinagtangkaan ang mas nakababata sa kanila.

Alam naman ng ina ang pinaggagawa sa kanila ng ama ngunit wala itong kaalam-alam sa planong paghihiganti ng magkapatid.

Inaresto ang isa sa mga asawa, habang isinasailalim sa pagtatanong ang isa pa.