2 PINOY, HINATULAN NG 20-TAONG PAGKAKAKULONG SA US

 

Nahaharap sa 20-taong pagkakakulong ang dalawang Pinoy sa United States matapos ang panloloko sa mga American authors at makunan ng kabuuang $44-milyon o nasa P2.5-bilyon halaga.

Inanunsyo ng District Attorney ng Southern District California ang hatol kina Gemma Traya Austin, Michael Cris Traya Sordilla, at Bryan Navales Tarosa.

Kung saan, kinasuhan sila ng “conspiracy to commit mail and wire fraud” at money laundering conspiracy sa pagpapatakbo ng isang book publishing scam sa loob ng 7-taon.

Kilala si Sordilla bilang chairman ng Hiyas ng Pilipinas, isang bagong tayong beauty pageant sa Pilipinas.

Nagtayo din ito ng business process outsourcing na nakabase sa Mandaue City na tinatawag na Innocentrix Philippines at ang vice president ng operasyon ay si Tarosa.

Binansagan ding fraud scheme ang Innocentrix Philippines.

Noong Disyembre 9, 2024 ay inaresto sina Sordilla at Tarosa sa San Diego habang si Austin ay naaresto noong Disyembre 12, 2024 sa Chula Vista.

Samantala, ang kaso ng tatlo ay hinatulan ng 20-taong pagkakakulong at inatasan magbayad ng multang $250,000.