STONE TABLET NG TEN COMMANDMENTS, NAKATAKDANG I-AUCTION NGAYONG BUWAN

 

Nakatakdang ilalagay sa auction ang pinakaunang kumpleto na stone tablet ng Ten Commandments sa Sotheby’s New York ngayong buwan.

Ang naturang tablet ay may humigit-kumulang na 1,500 na taong gulang.

Ayon kay Sharon Liberman Mintz, International Senior Specialist ng Sotheby, ang kumpletong stone tablet ng Ten Commandments ang pinakamahalagang kayamanan na kaniyang nahawakan.

Aniya pa, pambihira ang nasabing bato na may bigat na 115 pounds at may sukat na humigit-kumulang 2 talampakan ang taas.

Napag-alaman na ang marble tablet ay nahukay noong 1913 sa railway excavations sa kahabaan ng southern coast ng Israel, malapit sa mga lugar na synagogues, moske at mga simbahan.

Ang teksto ng Ten Commandments ay iniukit sa tablet sa Paleo-Hebrew script, isang script na ginagamit ng mga Hudyo mula sa ikasampung dekada bago pa ang Common Era hanggang sa ikalimang dekada ng Common Era.

Tanging siyam ng Ten Commandments lamang na natagpuan sa Book of Exodus ang laman ng tablet.

Samantala, naka-schedule sa Disyembre 18 ang pag-auction sa stone tablet sa New York City na may pre-sale na $1-milyon hanggang $2-milyon.