"SHOPPING FESTIVAL PHILIPPINES", PLANONG ILUNSAD SA BANSA

 

Inirekomenda ng Private Sector Advisory Council (PSAC) ang paglulunsad ng nationwide “Shopping Festival Philippine” upang makatulong sa pagpapalakas ng turismo sa bansa.

Ayon kay President Ferdinand Marcos Jr., sinabi nitong na ang naturang rekomendasyon ng PSAC ay napakahalaga na palakasin ang turismo sa Pilipinas.

Layunin nitong maka-attract ng marami pang turista na bumisita sa bansa lalo na’t ito ay kasunod sa nilagdaang batas na VAT Refund for Non-Resident Tourists.

Kung saan, maaari nang makakuha ng refund sa Value Added Tax ang mga turistang bumili sa mga accredited retail outlets sa loob ng 60 days alinsunod sa bagong batas basta’t nasusunod nila ang minimum purchase na P3,000.

Dagdag pa rito, inaasahan din na ang nasabing bagong batas ay magdudulot ng 30 porsyento na pagtaas sa paggastos ng mga turista kung saan makakabenepisyo nito ang parehong large-scale industries at micro, small, and medium enterprises (MSMEs).