'LEE MINHO', NAARESTO NG BI SA PAMPANGA

 

Naaresto ng Bureau of Immigration (BI) ang isang South Korean national na kapangalan ng sikat na aktor na si Lee Minho sa Mabalacat, Pampanga.

Sa ulat, inaresto ng BI si Lee sa loob ng Clark Freeport Zone matapos makatanggap ng impormasyon mula sa awtoridad ng South Korea na isa itong pugante.

Napag-alaman na pinaghahanap si Lee ng mga kapulisan sa South Korea dahil sa isang krimen na kinasasangkutan limang taon na ang nakararaan.

Ayon sa BI, nakipagsabwatan umano si Lee sa iba pang mga suspek at pinagtulungan ang biktima na bugbugin na nagresulta sa pagkaka-confine nito sa ospital ng ilang araw.

Dahil dito, nagsilbi ng warrant of arrest ang Suwon District Court laban kay noong Pebrero 2024 para sa Special Bodily Injury na lumalabag sa Criminal Act of the Republic of Korea.