KATAWAN NG BINARIL NA PULIS, CHOP-CHOP NA NANG MATAGPUAN

 

Hiwa-hiwalay na ang parte ng katawan ng isang pulis nang matagpuan sa Baguio City matapos itong mapatay ng kabarong pulis sa Camp Bagong Diwa sa Taguig City.

Ayon kay P/Maj. Hazel Asilo, tagapagsalita ng Southern Police District (SPD), inamin ng suspek ang ginawa sa biktima maging sa kung saan niya dinala ang bangkay matapos barilin.

Sinasabing pinagpuputol ng suspek ang katawan ng biktima tsaka inilagay sa sako at dinala sa Baguio para doon ilibing.

Kuwento ng suspek, nahuli niya umano ang biktima na kasiping ang kanyang misis na isa ring pulis sa loob ng Camp Bagong Diwa.

Sa ngayon ay patuloy pa ang isinasagawang imbestigasyon ukol sa nangyaring krimen.