JAPAN, MAGBIBIGAY NG 1.6-BILYON SECURITY AID SA PILIPINAS

 

Inaasahan ang pagdating sa Pilipinas ng mga kagamitan sa pang-depensa mula sa Japan matapos itong pumirma ng 1.6-bilyon yen o katumbas ng P611-milyon sa Official Security Assistance (OSA).

Ito’y upang palakasin ang defense capabilities ng bansa.

Opisyal na lumagda sa kasunduan sina Foreign Affairs Secretary Enrique Manalo at Japanese Ambassador Kazuya Endo.

Nagpalitan din ang mga ito ng diplomatic notes kaugnay sa OSA mula sa Japan para sa Department of National Defense-Armed Forces of the Philippines (DND-AFP).

Nangyari ang naturang pirmahan isang araw pagkatapos ng pinakabagong pangha-harass ng China sa mga barko ng Philippine government sa Bajo de Masinloc.

Samantala, sa ilalim ng ikalawang OSA ng Japan para sa Pilipinas, magbibigay sila ng RHIBs (Rigid-hulled inflatable boat), coastal radar systems at iba pang kagamitan sa Philippine Navy upang mapabuti ang maritime domain awareness capabilities.