BABAENG NAGBA-BANYO, KINAGAT NG AHAS

 

Inalala ng isang babae ang kaniyang naging katakot-takot na karanasan nang siya’y makagat ng ahas sa kanilang comfort room.

Sa ulat, araw ng Linggo nang mangyari ito kung saan pumunta ng banyo si Maria Jaimes mula sa Texas at nakapatay ang ilaw. Nang maupo ito sa inidoro ay bigla nalang siyang kinagat ng isang rat snake.

Aniya, nakaramdam ito ng kagat sa kaniyang binti at dito natuklasan ang isang ahas na nasa ilalim ng kanilang banyo.

Bagamat nagulat si Jaimes ay nagawa pa niyang kunan ito ng mga larawan bilang pruweba sa insidente.

Sa kabila nito, tuloy pa rin ang buhay kay Jaimes at tumungo ng simbahan.

Ayon sa National Wildlife Federation, ang rat snakes ay mga non-venomous na ahas na makikilala sa kanilang kumikinang na itim na kaliskis sa likod at ang light-colored belly. Karaniwan sa mga biktima nito ang mga daga o malilit na ibon.