11 PATAY SA SUNOG SA ISANG KARAOKE BAR SA HANOI, VIETNAM

Patay ang 11 katao habang 2 ang sugatan sa nangyaring sunog sa isang karaoke bar sa Hanoi, Vietnam.

Ayon sa ulat, nakatanggap ng reports ang mga pulis sa insidente ng sunog kung saan maraming tao ang na-trapped sa loob.

Agad na rumesponde sa lugar ang mga rescue workers at ligtas na nailabas ang pitong katao kung saan dalawa sa kanila ang isinugod sa ospital habang 11 ang kumpirmadong patay.

Sinabi ng mga nakasaksi na masyadong malaki ang apoy kung kaya’t walang sumubok na mag-rescue sa mga taong na-trapped sa loob.

Dagdag pa rito, pahirapan ang paglabas ng mga biktima dahil ang mga balcony ng gusali ay nababakuran ng metal bars.

Sa pahayag ng mga awtoridad, pinaghihinalaan nila na sinadyang sunugin ng suspek ang café na agad namang naaresto.

Napag-alaman na naroon ang suspek sa karaoke bar upang uminom ng beer bago pa ito nakipagsagutan sa isang staff. Ilang sandali pa ay may dala na itong petrol at ibinuhos malapit sa lugar na kinaroroonan ng mga motorbikes na naging dahilan ng paglaki ng apoy.