SOCIAL MEDIA BAN SA 16-YEARS OLD PABABA, APRUBADO NA SA AUSTRALIA

 

Aprubado na sa bansang Australia ang batas na magbabawal sa mga kabatang edad 16-anyos pababa na gumamit ng social media.

Sa naturang batas, pagmumultahin nito ang malalaking social media platforms kabilang na ang TikTok, Facebook, Snapchat, Reddit, X, at Instagram ng hanggang 50-milyon Australian dollars ($33 milyon) para sa systemic failures upang maiwasan ang mga batang mahumaling sa social media.

Sinuportahan naman ito ng mga magulang lalo na’t nakakabahala na ang pinsalang dulot nito hindi lang sa pisikal maging sa emosyonal at mental health ng bata.

Samanatala, bibigyan ng hanggang isang taon na palugit ang mga nabanggit na social media platforms kung paano nila ipapatupad ang nasabing ban bago pa man ipatupad ang penalidad.