PRICE GUIDE PARA SA NOCHE BUENA, INILABAS NG DTI

 

Naglabas ng price guide ang Department of Trade and Industry para sa 12 mga produkto na kadalasang binibili ng mga Pinoy tuwing Pasko.

Batay sa price guide, mapapansin ang pagtaas sa presyo ng mga produkto na pang-Noche Buena kabilang na ang hamon, fruit cocktail, pasta noodles, mayonnaise, queso de bola, at marami pang iba.

Ayon kay DTI Sec. Cristina Roque, hinihikayat nito ang mga consumer na ikumpara ang presyo at piliin ang mga produktong angkop sa kanilang budget at panlasa para sa holiday season.

Dagdag pa dito, ang price guide ay magiging epektibo hanggang Disyembre 31, 2024 upang masiguro ang pag-access sa mga produktong may presyong makatwiran sa pamamagitan ng Media Noche.

Narito ang mga produkto sa ilalim ng DTI's Noche Buena price guide:

• Ham - P170 to P928.50  
• Queso de bola - P210 to P445  
• Fruit cocktail - P61.76 to P302.50  
• Cheese - P56.50 to P310.00  
• Mayonnaise - P20.40 to P245.85  
• All-purpose cream - P36.50 to P72  
• Sandwich spread - P27 to P263.60  
• Pasta/spaghetti - P32 to P114  
• Elbow macaroni - P30.50 to P126.25  
• Tomato sauce - P16.50 to P92.85  
• Salad macaroni - P36.50 to P126.25  
• Spaghetti sauce - P28.50 to P103

Gayunpaman, nagpaalala ang DTI sa publiko na suriing mabuti ang petsa ng expiration ng mga produkto at iminungkahi din ng ahensya na bumili ng bulto-bulto upang makatipid.