MEA GEY NIÑURA NG UP, DOUBLE GOLD MEDALIST SA UAAP SEASON 87 ATHLETICS CHAMPIONSHIPS

Tinagurian na kauna-unahang double gold medalist si Mea Gey Niñura ng University of the Philippines sa UAAP Season 87 Athletics Championships na ginaganap sa New Clark City Stadium sa Capas, Tarlac.

Pinangunahan ni Niñura ang women’s 5,000 meters sa naturang kumpetisyon.

Habang, nasungkit naman ng University of Santo Tomas (UST) ang gold medal sa women’s javelin throw matapos makapuntos ng 47.36 meters si Lanie Carpintero na sinundan ni Ann Katherine Quitoy ng De La Salle University sa nakuhang 40.19 meters, at pangatlo si Elizabeth Sicat ng Adamson University sa 37.87 meters.

Na-secure ni Rica Mae Balderama ng Lady Tamaraw ang unang pwesto sa triple jump at nilampasan nito ang pambato ng UST na si Jeanne Arnibal at Abcd Agamanos ng De La Salle University.

Samantala, nagpapatuloy pa ang paglalaban ng mga kalahok na unibersidad para sa gold medal ng nasabing kumpetisyon.