Muling nagbigay ng karangalan sa bansa ang isang 13-anyos
na Pinoy singer na nakabase sa UAE matapos kilalanin bilang emerging teen icon
sa isang international awards ceremony.
Nakatanggap ng titulong “The Emerging Teen Icon of the
Year” si Peter Rosalita sa The Knights Award, isang international awarding body
na nakabase sa Malaysia.
“Thank you The Knights Award Malaysia! I am truly
grateful and honored to receive this award. I would like to extend my heartfelt
thanks to Dr. Zyro Wong and the organizing committee for this recognition. To
God be the glory!” pasasalamat ni Rosalita sa kaniyang Facebook post.
Naunang umagaw ng atensyon si Rosalita nang makapasok ito
sa semi-finalists ng America’s Got Talent Season 16 noong 2021 kung saan
ipinarinig nito sa madla ang kahanga-hangang talento sa pagkanta.
Sinundan pa ito ng pagkakatanggap ng standing ovation sa America’s
Got Talent All-Star edition noong 2023 nang kantahin ang kaniyang rendition ng “Go
the Distance” ni Michael Bolton.
Naging guests si Rosalita sa isang American talk show na “The
Ellen DeGeneres Show”.
Dahil sa katangi-tanging talento ng 13-anyos na Pinoy,
nanalo ito sa iba’t ibang local talent contests sa UAE at humakot ng mga awards
sa prestihiyosong international competitions.
Ilan sa mga napanalunan ni Rosalita ang Grand Prix sa
Tessafest IV International Festival sa Kazakhstan.
Gayundin, naging multi-medalist din si Rosalita sa
nalikom na 6 golds at 2 silver medals sa iba’t ibang genre.
.png)
.png)
0 Comments