INIDORO, MAY KAKAYAHANG GAWING ENERGY AT PAGKAKAKITAAN ANG DUMI NG TAO

Nakaimbento ng kakaibang inidoro ang isang South Korean professor na si Cho Jae-Weon kung saan hindi lang pag-flush ng dumi ang kaya nito kundi makakaya nitong ma-convert ang dumi ng tao sa isang enerhiya at nagbibigay pa ng mga digital na reward sa mga user.

Kada araw, pinoproseso ng naturang inidoro ang nasa 500 grams ng dumi ng tao sa 50-litro ng methane gas na nakakapag-generate ng 0.5 kWh ng enerhiya.

Ngunit, ang ikinaganda nito ay nabibigyan ng mga reward ang mga users sa isang digital currency na tinatawag na Ggool o mas kilala bilang “sh*t coin”.

Ang imbentong ito ni Cho ay malaking tulong sa waste management lalo na sa kapaligiran dahil nagagawa nitong enerhiya ang mga dumi at humihikayat din ito sa mga tao na mapanatili ito mula sa mga rewards.