PINAY, PATAY SA CALIFORNIA MATAPOS BANGGAIN NG NAKAW NA SUV

 

Dead on the spot ang 46-anyos na Pinay matapos banggain ng isang nakaw na SUV sa San Fernando Valley, Los Angeles, California nitong linggo.

Ayon sa ulat, minamaneho ng isang 40-anyos na suspek ang ninakaw na Mercedes SUV habang tumatakas mula sa mga pulis nang bigla itong bumangga sa puting Tesla na minamaneho ni Christina David.

Nagdulot ng malalang pinsala ang pagbangga dahilan na natanggal ang bubong ng Tesla. Nadamay din sa banggaan ang dalawa pang mga sasakyan na nagresulta sa pagkakasugat ng mga drayber at mga pasahero nito.

Nagtamo naman ng minor injuries ang suspek na agad na inaresto ng mga pulis at mahaharap sa kasong vehicular homicide.