ONE DIRECTION MEMBERS, NAGSAMA-SAMA SA LIBING NI LIAM PAYNE

 

Personal na dumalo sa libing ng dating One Direction member na si Liam Payne ang mga kasama nito sa grupo na sina Harry Styles, Zayn Malik, Niall Horan at Louis Tomlinson.

Isinagawa ang libing ni Payne nitong Miyerkules sa isang pribadong church service sa Amersham, Buckinghamshire, north west ng London.

Bukod sa mga dating ka-bandmates ni Payne, naroroon din si Simon Cowell at asawa nitong si Lauren Silverman.

Matatandaang namatay sa edad na 31 ang singer at dating One Direction member na si Liam Payne matapos itong mahulog sa tinutuluyang hotel sa CasaSur Palermo Hotel, Buenos Aires, Argentina noong Oktubre 16, 2024.