‘BOMB CYCLONE’, NAGBABANTA SA NORTHERN CALIFORNIA, PACIFIC NORTHWEST

Pinaghahandaan na sa Northern California at Pacific Northwest ang inaasahang malakas na bagyo na may dalang matinding buhos ng ulan at hangin na magiging dahilan ng pagkawala ng kuryente at mga pagbaha sa rehiyon.

Nag-isyu ng labis-labis na pag-ulan ang Weather Prediction Center simula sa araw ng Martes at magtatagal hanggang sa Biyernes.

Paliwanag ni Richard Bann, isang meteorologist sa National Weather Service Weather Prediction Center, mabilis na tumindi ang sistema ng bagyo kung kaya’t ikinukunsidera itong ‘bomb cyclone’.

Ang bomb cyclone ay ginagamit ng mga weather enthusiast upang ilarawan ang isang proseso na karaniwang tinatawag ng mga meteorologist na bombogenesis. Ito ay ang mabilis na intensification ng bagyo sa maikling panahon.