ATLETANG PWD SA AKLAN, KALAHOK SA NATIONAL PARA GAMES

 

Kasali sa Philippine National Para Games 2024 ang mga Aklanong PWD na atleta na ginanap nitong Nobyembre 10 hanggang 15 sa Pasig City at Manila City.

Tinatayang na nasa 30 na mga atleta mula sa Aklan ang sumabak sa athletics at swimming events ng para games kung saan sa nasabing bilang ay 19 ang lalaki at 11 ang babae.

Maliban sa 30 mga atleta, binubuo rin ang Team Aklan ng 23 coaches, assistant coaches at chaperones.

Sa pakikipagtulungan ng Philippine Sports Commission sa Philippine Association for the Differently Abled (PHILSPADA) at Philippine Paralympic Committee (PPC) ay muling binuhay ang Para games para sa mga aspiring na atleta na maibahagi ang kanilang natatanging abilidad at susubok na makakuha ng pwesto sa National Para Athletes Team.

Ang muling pagbabalik ng para games matapos ang limang taon ay isang malaking oportunidad upang makabuo ng mga atleta mula sa 72 na probinsya at lungsod na sasabak sa international competitions.

Samantala, ang mga tatanghaling panalo ay may pagkakataon na i-represent ang National Para Athletes Team sa Asian Para Games, Paralympics, ASEAN Para Games at Asian Youth Games.