Nakapagtala ng pitong kataong patay ang mga awtoridad
mula sa barangay Labang sa bayan ng Ambaguio, Nueva Vizcaya matapos ang
pananalasa ng bagyong Pepito.
Ayon sa ulat, natabunan ang bahay ng magkakamag-anak na
nasa gilid ng bundok at nakisilong ang iba pa nang tumama ang bagyo.
Na-rescue naman ang tatlong indibidwal ngunit pitong
bangkay ang narekober ng rescue teams.
Pahayag ni Gov. Jose Gambito na maaga itong nagbabala sa
mga residente na lumikas subalit ikinabigla ng lahat na maging ang mga lugar na
hindi binabaha ay biglang tumaas ang antas ng tubig.
Dahil sa matinding paghagupit
ng bagyong Pepito ay maraming mga dike ang nasira, maging ang mga poste ay
natumba, namatay din ang mga alagang hayop at hindi pa mabilang na mga bahay ang
nagiba at nilipad.
Bagama't bukas ang daan
patungong Maynila, maraming natumbang mga puno at sanga ng kahoy na nakalaylay
maging mga linya ng kuryente.
.png)
.jpg)
.png)
0 Comments