PULIS NA KOREANO, NAKASAMA NA ANG INA MATAPOS ANG 31 TAON

 

Matapos ang halos tatlong dekada na pagkakawalay ay nakasama na sa wakas ng Filipino-Korean police office ang kaniyang ina.

Sa isang panayam, ibinahagi ni Oh Jun Young o Julius Manalo ang tungkol sa kaniyang mga magulang kung saan ang ama nito’y isang musician na si Eustacio at ang kaniyang ina na si Oh Geum Nim.

Taong 1993, kinailangang bumalik ng Pilipinas ng ama ni Julius at isinama siya nito sa pag-aakalang nagbabakasyon lamang sila ng dalawang linggo.

Pagdating sa bansa ay inamin kay Julius na hindi na sila babalik ng Korea.

Makalipas ang dalawang linggo, nabalitaan ni Julius na kaya siya ibinigay sa tatay niya sa kadahilanang mag-aasawa na ang nanay nito at ayaw sa kaniya ng mapapangasawa nito.

Dito, nagkimkim ng galit si Julius sa kaniyang ina ngunit pinabulaanan naman ito ng kaniyang ina.

Sumubok si Julius na hanapin ang kaniyang ina at sa tulong ng isang TV show sa Korea na nagbahagi ng kaniyang kwento ay tinulungan siya sa paghahanap ng kaniyang nanay.

Matapos ang linggo-linggong pag-eere ng kwento ni Julius sa loob ng tatlong buwan ay nakatanggap sila ng tawag at na-track ang kinaroroonan ng kaniyang ina.

Sa pag-aasam na makasamang muli ang ina, lumipad si Julius kasama ang kaniyang mag-iina sa Korea upang kitain ang kaniyang nanay.

Bagama’t naging emosyonal ang muling pagkikita ni Julius at ng nanay nito ay naging kampante naman ito na sa wakas ay personal nitong nakita ang ina matapos ang halos 31-taon.

Napag-alaman na lumaki si Julius sa Tondo kung saan maraming hirap itong napagdaanan hanggang sa nalaman ito ng kaniyang half-brother na si Jay Manalo na isang aktor at doon na nagsimula itong nakakita ng bagong pag-asa.

Nakakuha ng basketball scholarship si Julius sa kolehiyo at naging isang police officer matapos ang kaniyang graduation.

Sa ngayon ay mayroon na itong asawa at dalawang anak.