PBBM, MAGLALABAS NG P25-M AID PARA SA BATANES SA GITNA NG PANANALASA NG BAGYONG JULIAN

Magbibigay ng P25-milyon ang pamunuan ni Pangulong Ferdinand Marcos Jr. para sa provincial government ng Batanes bilang tulong sa unti-unting pagbangon nito kasunod ng pananalasa ng Bagyong Julian.

Personal na bumisita sa probinsya ng Batanes si Marcos upang masaksihan ang pamamahagi ng tulong sa mga residente sa Oval Plaza sa munisipalidad ng Basco.

Ipinahayag pa ni Marcos sa kaniyang pagbisita sa lugar na magbibigay din ng P15-milyon na tulong si House Speaker Ferdinand Martin Romualdez para sa mga apektadong residente.

Samantala, idineklarang nasa state of calamity ang probinsya ng Batanes bunsod ng bagyong Julian kung saan hanggang ngayon ay limitado pa din sa lugar ang public utilities at services tulad ng tubig, kuryente, at linya ng komunikasyon.