LALAKI, SINUBUKANG I-CREMATE ANG NAMATAY NA ASO NGUNIT NAGING MITYA PALA ITO NG WILDFIRE

Nagsimulang gumawa ng apoy ang isang lalaki sa Colorado, U.S.A. para sana i-cremate ang namatay nitong alagang aso ngunit nauwi ito sa isang wildfire.

Nasunog kasi ang nasa 28-square-kilometer private property kabilang na ang isang tirahang cabin kung saan umabot sa $200,000 o P11-milyon ang halaga ng danyos nito.

Sa ulat, nangyari ang wildfire sa western Colorado, U.S.A at lumalabas sa imbestigasyon na may nakita silang mga labi ng aso na kalahating sunog na posibleng pinagmulan ito ng sunog nang tinangka itong i-cremate.

Sinasabing tumalsik ang apoy sa malapit na puno nang ihagis ng isang lalaki ang spray can sa apoy tsaka ito sumabog hanggang sa lumaki pa ang apoy at humantong sa wildfire.

Agad namang inaresto ang lalaki at sinampahan ng kasong arson at trespassing nang matapos ang imbestigasyon ng mga wildfire investigators.