Ilalabas ng Comelec sa kauna-unahang pagkakataon ang kopya ng lahat ng naghain ng certificate of candidacy para sa 2025 elections.
Ayon kay Comelec Chairman George Garcia, dalawang linggo pagkatapos
ng Oktubre 8 ay opisyal na makikita ng publiko ang mga naghain ng kanilang COCs
na siyang kauna-unahan sa kasaysayan ng eleksyon sa Pilipinas.
Hindi naman kasama sa mga makikita ng publiko ang birth
certificate ng mga kandidato dahil hindi naman ito kabilang sa mga requirements
na hinihingi ng Comelec para sa mga kandidato.
Sa kabila nito, ipinaliwanag din ni Garcia ang magiging
proseso kung sakaling makansela ang certificate of candidacy ng isang nanalong
alkade.
“Kapag finile-an kita ng cancellation of certificate of
candidacy, hindi natapos ng Comelec, nakatakbo ka, nanalo ka, later on kinancel
namin ‘yung candidacy mo kasi hindi ka naman talaga Pilipino o nagsinungaling
ka. Ang mai-poproklama po namin… ay hindi ‘yung succession, hindi si vice
mayor, hindi si vice governor, kundi ‘yung second place. Why? Because as if you
did not become a candidate,” pagdidiin ni Garcia.
Samantala, nakatakda namang magtatapos ang filing ng COCs
sa Oktubre 8, ngayong taon.
.png)
.png)
0 Comments