LALAKING UMAKYAT NG TULAY PARA SA KANIYANG CONTENT SA SOCIAL MEDIA, NAHULOG-PATAY

Patay ang isang 26-anyos na lalaki matapos itong mahulog sa tulay nang umakyat ito para sa gagawing content sa kaniyang social media.

Ayon sa awtoridad, may kasamang 24-anyos na Briton ang biktima nang mangyari ang insidente nitong Linggo.

Inakyat ng biktima ang cable-stayed na tulad sa Talavera de la Reina na nasa 110-kilometers southwest ng Madrid.

Napag-alaman na umuulan noong araw na iyon sa Talavera na posibleng naging dahilan ng pagkakadulas ng biktima sa tulay.

Itinuturing na isang atraksyon ang naturang tulay na mayroong 152 wire ropes at tanaw na tanaw ang magandang tanawin ng buong lugar dahilan na maraming social media content creator ang sumusubok na gumawa ng content dito sa kabila ng ilang paalalang ipinagbabawal ang pag-akyat dito.