Aabangan ang paglalayag ng kauna-unahang Disney Cruise ship ng Asya sa Disyembre 15, 2025 na magsisimula sa Singapore.
Sa naturang cruise ship, tampok ang pitong mga areas na
may temang mula sa mga pelikulang pinasikat ng Disney, Pixar, at Marvel.
Sa “Grand Reveal” na ginanap sa Singapore nitong Oktubre
15, nasaksihan ang Disney Adventure na pinagunahan ng mga mascot ng Mickey
Mouse and Friends.
Una, Disney Adventure sa Marvel Landing kung saan mayroon itong tatlong bagong atraksyon: ang Ironcycle Test Run – kauna-unahang rollercoaster ng cruise line ship na may habang 250 meters; ang Pym Quantum Racers ay itinampok mula sa Ant-Man and The Wasp at ang Groot Galaxy Spin, kung saan maaring sumakay ang mga bisita sa Nova Corp Bass Jumper Vehicle.
Pangalawa, Toy Story Place kung saan mag-eenjoy ang mga
bisita sa iba’t ibang aktibidad na katulad ng mga laruan ng Pixar movie. Tampok
rito ang Flying Water Sauceer Splash Zone, at Woody and Jessie's Wild Slides.
Pangatlo, San Fransokyo Street ng Big Hero 6 na isang
geek’s haven at naroroon ang acrade at cinema na ipinapalabas ang classic
Disney, Pixar, Marvel, at Lucasfilm movies.
Pang-apat, Disney Discovery Reef na hango sa pelikulang “The
Little Mermaid”, “Lilo and Stitch”, “Finding Nemo”, at “Luca”, ang magiging
outdoor hub sa likod ng barko.
Panglima, Wayfinder Bay na kinuha sa “Moana” ang
inspirasyon nito kung saan isang casual retreat ng mga bisita sa taglay nitong
nakaka-relax na swimming pool habang nakiki-jam sa isang live musical performance.
Pang-anim, Town Square para sa mga fan ng Princesses
tampok ang indoor theater at live musical performances ng sikat na Disney
princesses.
At ang panghuli, ang Disney Imagination Grader kung saan tahanan
iyon ng theatrical stage, open-air garden na may three-deck-tall storybook
castle art piece, at eateries at bars.
Samantala, magsisimula naman ang booking sa Disney
Adventure sa Disyembre 10, 2024 habang ang detalye ng mga presyo ay iaanunsyo
sa Nobyembre 14.
.png)
.png)
0 Comments