Patay ang isang indibidwal habang nasa siyam na katao pa ang nawawala matapos gumuho ang isang ten-storey hotel sa Argentina.
Ayon sa pahayag, nangyari ang insidente nitong Martes ng
umaga sa syudad ng Villa Gessell, halos 230-miles mula sa capital Buenos Aires sa
Atlantic coast.
Nakilala ang biktima na isang 80-anyos na naninirahan sa
katabing gusali ng gumuhong hotel.
Nailigtas naman ang partnes nito ngunit inaalam pa kung
naroroon sa site ang kanilang anak.
Agad namang nagtulong-tulong ang mga bumbero, paramedics
at mga pulis na maialis ang mga debris upang matukoy kung mayroon pang mga
biktima na na-trap sa gumuhong hotel.
Kabilang sa mga naiulat na nawawala ang mga manggagawa
mula sa construction site ng hotel na nag-o-operate na hindi nakapag-comply sa
regulasyon ng munisipalidad.
Sa ngayon ay patuloy pa ang imbestigasyon sa dahilan ng
pagguho ng naturang hotel habang apat na kataong nauugnay sa construction site
ay agad na inaresto.
.png)
.png)
0 Comments