DONNY PANGILINAN, PERSONAL NA HINATID ANG MGA RELIEF GOODS PARA SA BIKTIMA NG BAGYONG KRISTINE

Personal na dinala ng Kapamilya actor na si Donny Pangilinan ang mga box ng relief goods na donasyon sa opisina ng Angat Buhay sa Quezon City para sa mga biktima ng bagyong Kristine.

Makikita sa mga larawan ng Angat Buhay na official Facebook ang pag-abot ng aktor ng mga relief goods na nakatakdang ipapadala sa mga lugar na labis na naapektuhan ng bagyo kabilang na ang Naga City at rehiyon ng Bicol.

“Heartfelt thanks to Donny Pangilinan for personally delivering relief goods at the Angat Buhay office,” pahayag sa post ng Angat Buhay.

Sa kabila ng pagiging abala ni Donny, kilala ito sa pagiging aktibo na sumusuporta sa pagtulong ng Angat Buhay.

Kamakailan, naging parte din si Donny sa isang relief operations sa Naga City.

Sa ngayon, nakatanggap na ng mahigit P9.8-milyong halaga ng cash donations ang Kaya Natin!, isang non-government organization, para sa mga Pilipinong nasalanta ng bagyong Kristine.